రచన,స్వరకల్పన&గానం:డా.రాఖీ

పాటవమున్న పాట మీరు

పరిమళాలు గుప్పెడి పూదోటమీరు

వర్ధమాన కవులకు రాచబాట మీరు

ఏనాటికైనా మేము చేరాలనుకొనే ఎత్తైన చోటు మీరు

చేంబోలు సీతారామశాస్త్రిగారు సిరివెన్నెల అయింది మీ ఇంటిపేరు

1.మీదైన అరుదైన ముద్ర మీ సినీగీతాలది

రాజీ పడని హుందా చెడని చక్కని శైలిమీది

విషయమెంత వైవిధ్యవంతమైనా రాసారు హృద్యంగా

మీకలం మీ కవనం మీదయా గుణం అనితర సాధ్యంగా

ఏనాటికైనా మేము చేరాలనుకొనే ఎత్తైన చోటు మీరు

సిరివెన్నల సీతారామ శాస్త్రిగారు అంతలోనె మమ్మెలా వీడినారు

2.సమకాలీనులకు మీరే పరమాద్భుతంగ

 అందుకున్న పద్మశ్రీ బిరుదుకే వన్నెలు తేగ

సముచితమైన సుస్థిర స్థానం మీది సినీ జగత్తులో

తరతరాలు ఓలలాడేరు పిపాసులు మీ కవన మత్తులో

ఏనాటికైనా మేము చేరాలనుకొనే ఎత్తైన చోటు మీరు

సిరివెన్నల సీతారామ శాస్త్రిగారు ధన్యులు మీరీశునిలో ఐక్యమొందినారు౹