రచన,స్వరకల్పన&గానం:డా.రాఖీ
ఒక నేను ఒకే నేను
ఎన్నో నేనులుగా అన్నీ నేనను నేనులుగా
తెలిసిన నేనులు కొన్ని తెలియని నేనులు ఎన్నలేనన్ని
అంతులేని యానంలో అహంకారిగా నేను
అహం త్వమేవాహమై ఏకైక సోహం గానేను
1.నేను గా మొదలై నేనూ గా కదలాడి
నేనే అన్న స్థాయికి ఎదిగీ ఎగిరీ కూలబడి
నేనేమో ఎరుగని ఎవరు చెప్పినా వినని నా నడవడి
నాదైన వాదనతోనే అందరితోనూ కలబడి
అంతులేని యానంలో అహంకారిగా నేను
అహం త్వమేవాహమై ఏకైక సోహం గానేను
2.తెలుసనుకొనే నేను సైతం అజ్ఞానమేనని
తెలిసీ తెలియని నేను కాసింత తెలుసుకొని
తెలుసుకొన్న సంగతి ఒకటే ఏ మాత్రం తెలియదని
నన్ను నేను తెలుసుకొనే జిజ్ఞాసే గమ్యమని
అంతులేని యానంలో అహంకారిగా నేను
అహం త్వమేవాహమై ఏకైక సోహం గానేను
No comments:
Post a Comment