https://youtu.be/dplW3kXFqF4?si=Pk5vCfGqT6aD1Y5G

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:ఉదయ రవి చంద్రిక (శుద్ధ ధన్యాసి )

కనుల నుండి కురుస్తోంది వెన్నెల జల్లు
కనుబొమలే ఎక్కడిన మరుని విరుల విల్లు
నీ తనువే   విరిసిన హరివిల్లు
నీ వలపే  మురిపాల పొదరిల్లు
వందనమందును నీ అందానికి
ఆనందమొందెద నీతో బంధానికి

1.పెదవుల మందార మరందాలు
నీ ఎదన పూమంజరి చందాలు
నడుమున నాగావళి వంశధారలు
నడకలు మరాళ మయూరాల సౌరులు
వందనమందును నీ అందానికి
ఆనందమొందెద నీతో బంధానికి

2.కురులలో ఉరికేను కృష్ణవేణి
నుడులలో కదిలేను గోదావరి
పదపదమును పదేపదే అదే ఉపమానము
దనివారదు కనరుండదు నీ గురించి కవనము
వందనమందును నీ అందానికి
ఆనందమొందెద నీతో బంధానికి