నిన్నే దేవిగ కొలిచాను ప్రణయ దేవిగ నిలిపాను
నిన్నే నిన్నే మెచ్చాను నీకే హృదయము నిచ్చాను
ఎంతో తపన పడ్డాను ఎంతటి తపమో చేసాను
కనికరించవే ప్రాణేశ్వరి శుభకరించవే ప్రణయేశ్వరి
శరణంటినే నిన్ను సచ్చిదానందమయి
దరిజేర్చుకోవే నన్ను పరమ దయామయి
1.నీరూపం నా మదిలో నీ తలపే మేధలో
కలలొ నిను కంటున్నా ఎదలొ నిను వింటున్నా
ఎవ్వరు నాకెదురైనా నీవుగానె భావిస్తున్నా
నిరంతరం నీ నామమే మనసులో స్మరిస్తున్నా
శరణంటినే నిన్ను సచ్చిదానందమయి
దరిజేర్చుకోవే నన్ను పరమ దయామయి
2.అక్షరాల పూలతో అర్చనలే చేస్తున్నా
గీతాల మాలలనే నీ మెడలో వేస్తున్నా
గాలి కదలాడినా నీరాకను తలపోస్తున్నా
ఉఛ్ఛాసనిశ్వాసలలో ఊపిరిగా చేసుకున్నా
శరణంటినే నిన్ను సచ్చిదానందమయి
దరిజేర్చుకోవే నన్ను పరమ దయామయి
No comments:
Post a Comment