రచన,స్వరకల్పన&గానం:డా.రాఖీ

నీ పాటే ప్రతిపూట

నీ వెంటే నా బాట

నీవున్న తావే వన్నెల విరితోట

మరులు రేపుతావే నీ సందిట

నీతోటే నా అచ్చట ముచ్చట

నీవులేని బ్రతుకే మరుభూమట

1.కనులే కలువ రేకులు

చూపులే వలపు తూపులు

పెదవుల విరిసేను మందారాలు

పలుకుల కురిసేను అమృతాలు

కలుపుకోనను నీలో కంజదళాయతాక్షి

పంచభూతాలే నా మనసుకి ఇక సాక్షి

2.నగవులే సహజపు నగలు

తలపులే  మరి రేయి పగలు

రేగుతాయి ఏవేవో ఎదలో సెగలు

జాగుమనకేల ఐపోదాం ఆలుమగలు

కనికరించవే నన్ను నీ కరమందించి

అలరించవే నన్ను వినతులాలకించి