రచన,స్వరకల్పన&గానం:డా.రాఖీ
ఈశ్వరా వేంకటేశ్వరా కావరా సర్వేశ్వరా
శివుడవు నీవై కేశవుడవు నీవై
కాలస్వరూపుడవై ద్రవ్యస్వరూపుడవై
శక్తిసంయుక్తుడవై కాంతిసంయుతుడవై
ఏకమేవాద్వితీయమౌ పరబ్రహ్మవై అమ్మవై
1.సృష్టి స్థితి లయ కార్యోన్ముఖుడవై
సత్వరజస్తమో గుణత్రయాత్మకుడవై
తాపత్రయాతీతమైన అభివ్యక్తుడవై
శ్రీ పరా విద్యా దివ్యపద సంప్రాప్తుడవై
ఏకమేవాద్వితీయమౌ పరబ్రహ్మవై అమ్మవై
2.ఐహికాముష్మిక ఐశ్వర్య వరదుడవై
శరణాగతవత్సల బిరుదాంకితుడవై
మనోవాక్కాయకర్మలతో నమ్మిన వశుడవై
నవవిధ భక్తికి మురిసెడి పరమేశుడవై
ఏకమేవాద్వితీయమౌ పరబ్రహ్మవై అమ్మవై
No comments:
Post a Comment