రచన,స్వరకల్పన&గానం:డా.రాఖీ
ఏది పువ్వో చెలీ ఏది నువ్వో ఎలా తేల్చుకోను
ఏది తూపో ఏది నీ చూపో ఎలా పోల్చుకోను
ప్రకృతిలో ప్రకృతిగా సుందరాకృతి దాల్చావే
అందానికి నిర్వచనంగా నా ఎదుట నిలిచావే
1.నీ కొప్పున చేరాయి నీలాల మబ్బులన్ని
నీ కోకన వాలాయి సీతాకోక చిలకలన్నీ
నవ్వులై విరిసాయి సిరిసిరి మల్లెలన్నీ
తేనెలై కురిసాయి మరుల పలుకులన్నీ
2.బుగ్గలపై మెరిసాయి పగడాల అరుణిమలు
సిగ్గులుగా ఒలికాయి శరదిందు పూర్ణిమలు
కంఠమందు అమరింది దక్షిణావృత శంఖము
కటిన వడ్డాణమైంది ముంజేతి కనక కంకణం
No comments:
Post a Comment