రచన,స్వరకల్పన&గానం:డా.రాఖీ
ఎన్ని పాటలు కట్టను
నన్నిలా చూపుతో కట్టిపడవేస్తుంటే
ఎంతగా చూస్తుండి పోను
అందాల రూపుతో ఆకట్టుకొంటుంటే
తట్టుకోలేను నేనొట్టి నరుడను
పట్టుబడతాను నేనుత్తి పామరుడను
1.మరుడైన ఆగునా నీ తేజస్సుకు
హరుడైనా వేగునా నీతో రహస్సుకు
ఇంద్రాది దేవతలు నీకు పరిచారకులు
తాపసులు మునులు నీకు నిజదాసులు
తట్టుకోలేను నేనొట్టి నరుడను
పట్టుబడతాను నేనుత్తి పామరుడను
2.చక్షువులు రెండైన సరిపోవునా నినుగన
ఒక్కనాలుక అలసిపోయేను నిన్నుగ్గడించ
మనసునే చేసేను నీకు అంకితము
జీవితమునిచ్చేను నీకు నైవేద్యము
తట్టుకోలేను నేనొట్టి నరుడను
పట్టుబడతాను నేనుత్తి పామరుడను
No comments:
Post a Comment