అసూయకలగనీ నాలో నీ ఉన్నతినేగని
పదేపదే నే కలగనీ పొందనీ నీకున్న ప్రతిభని
నీ భావాల పాదాలకు మువ్వల పట్టీనై నను చెలగనీ
నీ మంజుల వర్ణాలకు శబ్దాల లయనై నను మెలగనీ
1.రమ్యమైన నా గమ్యం నీకీర్తి శిఖరమై
అనన్యమైన నీ ధ్యానం జనవశీకర కరమై
దృక్పథాన్ని విశ్వమంత విస్తృత పరచనీ
మనోరథాన్ని విశాలమైన సరళపథము చేర్చనీ
2.శిష్యులే సద్గురువుకు మార్గదర్శులైన వేళ
గురువు మదే ఊగదా సదానంద డోలికల
నీ గెలుపే నాదిగా అనాదిగా అలవాటే కదా
నీ నుదుటన ఒదగదా సిందూరమై నా ఎద
No comments:
Post a Comment