ప్రియురాలా ప్రియురాలా నీవేలే నా తీయని కల
ప్రియురాలా ప్రియురాలా నీవేలే నా తీరని కల
రేయి పగలు నీ తలపుల్లో ఎప్పుడు చూడు నీ ఊహల్లో
ఏడడుగులు వేస్తానే నే తోడొస్తానే
ఏడేడు జన్మాలు నీతోనే నీతోనే
1.తూచే తూనికలేవీ లేవీ లోకంలో నా ప్రేమను
వివరించే పదములు సైతం కరువేలే నా ప్రేమను
మనసు కనులతో తరచిచూడు నా ప్రేమ సాంద్రత
వలపు భాషతొ చదివి చూడు నాదైన ప్రేమ కవిత
తోటలోకొస్తావా నీకు నీటు బాటలేస్తా
నీ చేయినందిస్తావా బ్రతుకు నీకు రాసిస్తా
2.నిన్ను చూస్తె ఒళ్ళంతా తకధిమితక నాట్యాలే
చేరువగా నీవుంటే గుండె నిండా సరాగాలే
ఎరుక పరచు సమ్మతిని బంధమనే బహుమతిని
కాదు కూడదన్నావంటే తప్పదింక చేరక చితిని
చిరునవ్వే వరముగ ఇస్తే చిరకాలం నే జీవిస్తా
మూడు ముళ్ళు వేయనిస్తే నీవాడిగ తరియిస్తా
No comments:
Post a Comment