రచన,స్వరకల్పన&గానం:డా.రాఖీ
రాగం:కళావతి
అరుణిమలొలుకుతాయి నీ అరచేతులు గులాబి పూలై
గుభాళిస్తాయి నీ చేతులు కమ్మగ మత్తిడు విరితావులై
ఏనాడు చెలి సంకటాల కంటకాలు నువు తొలగిస్తావో
బంగారు భవితకు చెదరని నమ్మిక తనలో చివురింపజేస్తావో
1.కళ్ళెదుట నిలుస్తాయి కన్న కలలన్ని కనుపాపగ తనని కాచుకుంటే
వెన్నెలలు కురుస్తాయి నెలలో రాత్రులన్ని తన పెదాలు నవ్వులొలుకుతుంటే
పురివిప్పును నెమలే చిన్న మెప్పుకే తన మేన పరవశమొందగా
పోటెత్తును కడలే మాట గుచ్చితే తన కంటినుండి నీరు చిందగా
2.కంబళి కంటే వెచ్చనిహాయే పదిలంగా అర్ధాంగిగ పొదువుకుంటే
వ్యాహళి వంటి స్వాదనమగును పదపదము తనతో కదలుతుంటే
తలపించును తనతో గడిపే ప్రతి క్షణము స్వర్గ సౌఖ్యంగా
మురిపించును మరులొలుకగ ప్రియుడే తన ఏకైక లోకంగా
No comments:
Post a Comment