రచన,స్వరకల్పన&గానం:డా.రాఖీ

ముందేంది వెనకేంది అందానికి హద్దేంది

ఎత్తేంది కురచేంది కొలతలకొక పద్దేంది

ముద్దే కదా ముగ్ధ మురిపెము అనాదిగా

తనివే తీరునా ఎంతగ చూసినా ఎగాదిగా

1.వర్ణించారు కవులందరు అతివను ఆపాదమస్తకం

అధ్యయనమెంతచేసినా పడతే ఒడవని పుస్తకం

కురులైనా కుచములైనా పెదాలు పాదాలు సైతమైనా

ఉత్తేజమే గొలుపుతాయి చిత్తాలనే లాగుతాయి

2.రాసిచ్చారు రాజ్యాలైనా  ఘన సార్వభౌములు

మానొచ్చారు తపములనైనా మహా మహా మునులు

ఇంద్రులైనా చంద్రులైనా సాక్షాత్తూ ఆ త్రిమూర్తులైనా

దార్తిగొన్నారు తెఱగునకు దాసోహమన్నారు తరుణులకు