రచన,స్వరకల్పన&గానం:డా.రాఖీ
మాఎదయే తిరుమల-మా మతియే తిరుపతి
కనులు మూసుకుంటె చాలు కనిపింతువు శ్రీపతి
ధ్యాస నిలిపినంత వరకు అపారమౌ మనశ్శాంతి
వేంకటనాథా అనాధనాథా శ్రీనాథా హే జగన్నాథా
1.అంధకారమే జగతి సూర్య చంద్రులున్నా
ఏకాకులమే చుట్టూరా బంధుమిత్రులున్నా
నిత్య దరిద్రులమే తరగని సిరి సంపదలున్నా
ఒక్కగానొక్కనీవు ఆత్మజ్యోతివై వెలుగకున్నా
వేంకటనాథా అనాధనాథా శ్రీనాథా హే జగన్నాథా
2.తీర్థాల మునిగితేమి మనసున మకిలుంటే
క్షేత్రాలు తిరిగితేమి చిత్తశుద్ది లేకుంటే
పూజాపునస్కార ఫలమేమి భూతదయే లేకుంటే
తపములేక వరమిత్తువు మాలో మానవత్వముంటే
వేంకటనాథా అనాధనాథా శ్రీనాథా హే జగన్నాథా
No comments:
Post a Comment