రచన,స్వరకల్పన&గానం:డా.రాఖీ
ఒక్కసారి కనిపిస్తావా
మనసు గుట్టు చెప్పేస్తావా
యుగాలుగా వీడనిబంధం
ఎరుక తిరిగి కలిగిస్తావా
పెదవులిపుడు విప్పేస్తావా
ప్రేమను ఇక ప్రకటిస్తావా
కొట్టుమిట్టాడే నా ప్రాణం
పోకుండగ చూస్తావా
1.చినుకుగ నను తడిపేస్తావా
మారాకులు తొడిగిస్తావా
ఈ మోడునికనైనా
చిగురింపజేస్తావా
సంతసాన్ని సొంతం చేసి
సాంత్వననే కలుగగజేసి
ఆకు కొసన జారకుండా
నాలో విలీనమౌతావా
2.మరునిమిషం మాయమౌ
హరివిల్లువు నువుకావొద్దు
అందుబాటులో ఉండే
అవనివైతె ఎంతో ముద్దూ
చేరువగా తపనలు పెంచే
మరీచికవుగా మారవద్దు
గుక్కెడైన నీరందించే
చెలమెలాంటి చెలిమిని నాకిద్దూ
No comments:
Post a Comment