రచన,స్వరకల్పన&గానం:డా.రాఖీ
కోరుకో చెలీ ఏ కానుకైనా
ఇచ్చేస్తా అది నా హృదయమైనా
వదులుకుంటా నా ప్రాణమైనా
వదులుకోలేను నిను క్షణమైనా
ప్రేమా ప్రణయం జీవన సర్వం నువ్వే
నేడూ రేపూ జీవిత కాలం నువ్వే నువ్వే
1.పొద్దుపొడిచేది నీతోనే
పొద్దుగ్రుంకేది నీతోనే
పొద్దుపొద్దంతా నాకు నీ సుద్దులతోనే
ఆకలిని నే మరిచానే
నిద్దురను మానేసానే
నీ తలపులలోనే మునకలువేసానే
అచ్చట ముచ్చట నచ్చుట అన్నీ నీతోనే
పచ్చని వెచ్చని మెచ్చిన ఊహలు నీతోనే
2.ప్రతి భావన పంచుకొని
అనుభూతిగ మలచుకొని
ఆనంద నందనాన నీతో విహరిస్తానే
పదములలో పొదువుకుని
పాటలుగా అల్లుకొని
పాడుకుంటూ కడదాకా బ్రతికేస్తానే
ఇష్టము కష్టము స్పష్టముగా నాకు నువ్వే
అదృష్టము సంక్లిష్టమూ నాకు నువ్వే నువ్వే
No comments:
Post a Comment