భోజన ప్రియ నమో లంబోదరాయ
పంచభక్ష్య పరమాన్న నైవేద్య సంప్రియ
కడుపారా తినవయ్యా ఆరగింపులు
మనసారా గొనవయ్యా మా నివేదింపులు
1.మోదకాలు గైకొనుమా మోదకారకా
కుడుములు స్వీకరించు శ్రీగణనాయకా
ఉండ్రాళ్ళ నొసగితిమి దండిగ భుజియించరా
అరిసెలు గారెలివిగొ ముదముగ గ్రహియించరా
2.లడ్డూ పాయసాలు సంతుష్టిగ గ్రోలరా
జిలేబీ పులిహోర సంతృప్తిగ సాపడరా
వెలగపళ్ళు తిని బ్రతుకున వెలుగులు దీపించరా
చెఱకు గడలు గొని మనసుల తీపినింక నింపరా
No comments:
Post a Comment