https://youtu.be/mP9OLj7oGlQ
రచన,స్వరకల్పన&గానం:డా.రాఖీ
ఆకాశరాజుకు జామాతనీవు
లోకాలనేలెడి అధినేతవు
వకుళామాతకు ప్రియమైన సుతుడవు
శుకశౌనకాది ముని సేవితుడవు
జనకుడవునాకీవె నిజహితుడవు
వేంకటేశా నమో కలిభక్త వరదుడవు
కొనియాడ నాతరమ కొండలరాయా
మెప్పింప నావశమ పద్మావతీ ప్రియా
1.రత్నమకుటమునీకు చేయించలేను
పట్టు పీతాంబరం పట్టి పెట్టగాలేను
వైజయంతీమాలనల్లి వేయగలేను
వాసిగా నగలేవి తీర్చి దిద్దగలేను
వదలినా పీల్చినా ఊపిరితొ నీపేరె
నిదురలో మెలకువలొ ఏదైన నీతీరె
కొనియాడ నాతరమ కొండలరాయా
మెప్పింప నావశమ పద్మావతీ ప్రియా
2.వేవేల పదముల వేగ రాయగలేను
తీరైన రాగాల పాడి కొలువగలేను
మధుర గాత్రమ్ముతో రంజిపగాలేను
వేదమంత్రాలతో వేడి మ్రొక్కగలేను
మనసులో మాటలో చేతల్లొనీవే
నాకున్న ఏకైక దిక్కుమొక్కువు నీవె
కొనియాడ నాతరమ కొండలరాయా
మెప్పింప నావశమ పద్మావతీ ప్రియా
No comments:
Post a Comment