రచన,స్వరకల్పన&గానం:డా.రాఖీ

పురిటి నొప్పులు -పుడమి తల్లికి 

వానకారున-చినుకు పడితే

కలల పంటయె-కవుల జన్మకి 

పొత్తమొక్కటి -అచ్చు పడితే

నిండి ఉంది -లోకమంత

ఆనందమే -నందించగ

ఆత్మ బంధులె-మనుజులంతా

అనురాగ సుధనే-పంచగ

1ఎంచి చూడగ దొరకదా 

మంచి ఎందైనా!,

దృక్పథాలే సజావైతే

ఎందుకిక ఏ మందైనా

పైమెరుగుల అందమెందుకు

ప్రేమించక హృదయ మందైనా

వెగటు పుట్టదా రోజూ తినగ 

కమ్మని షడ్రుచుల విందైనా

2.నిర్మించుకోవలె మనకుమనమె

మనమున కలల సౌధమే

గుర్తించి గురుతుంచుకోవలె

మేధోజలధి అగాధ నిధులే

ఎంత ఎదిగితె మాత్రమేమి

ఒదుగు సూత్రమెరుగక

సంపదెంతో సొంతమైనా

శాంతి పొందక చింతయేనా