రచన,స్వరకల్పన&గానం:డా.రాఖీ
వజ్రోత్సవ భారతమా నీకు వందనం
త్రివర్ణ పతాక విరాజితమా నీకు సలాం
అకుంఠిత దీక్షా బలిదాన ఫలం నీ విజయం
అప్రతిహతం స్వాతంత్ర్యానంతర వికాసం
వందేమాతరం జైహింద్ నినాదమే నిరంతరం
1.ఆంగ్లేయుల పాలనలో అణగారిన చైతన్యం
అరాచకాలతో దాష్టీకంతో నీదెంతటి దైన్యం
సిపాయిల తిరుగుబాటుతో తొలి స్వతంత్ర పోరాటం
ఉధృతమాయే సత్యాగ్రహ దీక్షతో గాంధీజీ సంగ్రామం
అప్రతిహతం స్వాతంత్ర్య సమరం ఆద్యంతం
వందేమాతరం జైహింద్ నినాదమే నిరంతరం
2.కొదవలేదు నీపుత్రులకు నిజ దేశభక్తులకు
సాటిరారు మన శాస్త్రవేత్తలకు మేధావులకు
ఎందరెందరో కదా ఘన నేతలు ప్రగతి విధాతలు
ఎందరో కీర్తితెచ్చిన మహనీయులు విధేయులు
అప్రతిహతం స్వాతంత్ర్యానంతర వికాసం
వందేమాతరం జైహింద్ నినాదమే నిరంతరం
No comments:
Post a Comment