https://youtu.be/4ows120k7uo

 రచన,స్వరకల్పన&గానం:డా.రాఖీ

రాగం:చారుకేశి

జయము నీకు జయ విజయుల అధిపతి

జయము నీకు జయము విజయ సారథి

జయము నీకు తిరుమల శ్రీ వేంకటపతి

జయములు దయచేయుము మాయమ్మ అలమేలు మంగాపతి

1.కలుషితమైన మా చిత్తములకు ఔషధము

భవ తారక మంత్రమైన గోవింద యను పదము

అనవరతము నామ స్మరణ అందించు పరమపదము

విడువను నే గరుడగమన తలనిడుదును నీ పదము

2.ఇడుముల నిన్నిన్ని నా కొసగితివే గాని

పొరబడి సైతము నిను వదిలితినా ఇభవరద

సమీక్షించుకో నా సంయమనము గమనించుకో

అయినను ధర్మమని తోచినచో నన్నుపేక్షించుకో