https://youtu.be/JNsw3pAXnWQ?si=nULwLk_lhNqkrcC4

రచన,స్వరకల్పన&గానం:డా.రాఖీ

రాగం:మోహన

అష్టమినాడు పుట్టిన కిష్టయ్య

అష్టకష్టాలు ఆ నాటినుండే నిను పట్టెనయ్యా

అష్టమ సంతానమైతివి దుష్టుల హతమార్చితివి

అష్టభార్యల కిష్టుడివైతివి జీవిత విస్పష్టగీత నుడివితివి

1.కాళింది నది నీపాదాలు చుంబించె

కాళీయుడు నీపాద ముద్రలు తలదాల్చె 

బ్రహ్మకైన వరములు నీదివ్య చరణాలు

నీ చిట్టి పదచిన్నెలు మా నట్టింటికి వన్నెలు

2.ఉట్టికట్టిపెట్టాను నా ఊహలు ఊసులు

నీ కందే ఎత్తుకె ఉంచాను వెన్నా మీగడలు

దోచుకొనుట ఇష్టమని నీకై దాచిపెట్టినాను గాని

నీవెరగని దేమున్నది ఎరిగితి సర్వాంతర్యామివని

*కృష్ణాష్టమి శుభాకాంక్షలు*