రచన,స్వరకల్పన&గానం:డా.రాఖీ
ఆచ్ఛాదన లేని నీ పాదాలు
అలా చూస్తూండిపోతె చాలు
నీ మంజుల మంజీర నాదాలు
ఉత్తేజ పరిచేను నా నరనరాలు
1.నీ అందాల ఆ మువ్వల పట్టీలు
నా మది నే దోచేసే జగజ్జెట్టీలు
పసిడి వన్నెలొలికే ఆ అందియలు
నా పసి మనసుకవే అప్పచ్చులు
2.నీ పదాల ఘల్ ఘల్మనే గజ్జెలు
స్వరవిరులే సరిగొన్న పూ సజ్జలు
రవ్వల జిలుగుల నీచరణ శింజినీలు
రమణీయ కమనీయ మనోరంజనీలు
No comments:
Post a Comment