రచన,స్వరకల్పన&గానం:డా.రాఖీ

రావే రావే నీవే పున్నమి సిరి వెన్నెలవై

రావే రావే రావే మరు మల్లెల చిరుజల్లువై

నను వీడని వసంతమై రావే

నా నీడగ ఆసాంతం ఉండిపోవే

1.ఊహవో స్వప్నానివో కల్పనవో

కవితవో గీతవో గీతానివో

కలవో లేవో  ఎరుగని సందేహానివో

కలవరమే నాలో రేపే మోహానివో

2.భ్రమలో ముంచే ఎండమావివో

భ్రాంతిని పెంచే నింగి సింగిడివో

మత్తుగొలిపి చిత్తుచేసే నెత్తావివో

మది స్పృశించి మురిపించే మాయావివో