రచన,స్వరకల్పన&గానం:డా.రాఖీ
రాగం:మాయామాళవ గౌళ
తందానాలాడే సుందరయ్యా
చిందులేసే తిక్క శంకరయ్యా
అంగలార్చినా తొంగిచూడవు
ఒక్కసారీ… మాదిక్కైన గానవు
మారాజువంటూ నిను నమ్ముకుంటి
మరలైన సూడవె మాదేవ ముక్కంటి
1.సొమ్ములడిగానా సోకులడిగానా
పొలములు పుట్రలు చెలకడిగానా
కమ్మన్ని గొంతుని ఇమ్మనంటిని గాని
నీలకంఠ నీగళమంటిదిస్తివే సామి
మారాజువంటూ నిను నమ్ముకుంటి
మరలైన సూడవె మాదేవ ముక్కంటి
2.ముక్కైన మూసుకొనుంటవు
తైతక్కలైనా ఆడుతు ఉంటవు
చిక్కుల్లొ మేముండి మొక్కుకుంటే
చిక్కవు దొరకవు రుక్కుల్ని బాపవు
మారాజువంటూ నిను నమ్ముకుంటి
మరలైన సూడవె మాదేవ ముక్కంటి
No comments:
Post a Comment