https://youtu.be/W-hts27C7Cc
రచన,స్వరకల్పన&గానం:డా.రాఖీ
రాగం:హంసానంది
అత్రి అనసూయ పుత్రుడా
త్రిమూర్తి స్వరూపుడా
గురుదేవ దత్తుడా
అష్టాంగయోగ సిద్దుడా
అభీష్ట వరదుడా సాష్టాంగ వందనం
1.త్రిగుణాతీతుడా పునీత చరితుడా
అవధూతా ఆరోగ్య దాతా వైద్యుడా
దిగంబరా దిగంబరా శ్రీపాద వల్లభుడా
భీమా నదీ తీర గాణుగాపుర వాసుడా
అభీష్ట వరదుడా సాష్టాంగ వందనం
2.శంఖ చక్ర శూలాయుధ ఢమరుధర
దండ కమండల మాలాయుత కర
కౌపీనధారి వనమాలి పరమ యోగీశ్వర
నరసింహసరస్వతీ దివ్యావతారుడా
అభీష్ట వరదుడా సాష్టాంగ వందనం
No comments:
Post a Comment