రచన,స్వరకల్పన&గానం:డా.రాఖీ
శంఖనాదమే ఒక గొంతుపాడితే
కోయిల స్వనమే ఒక కంఠం విప్పితే
వీణా వాదన నిక్వణమే ఒక గళం నినదిస్తే
మరంద మార్ధవమే ఒకగాత్రం ధ్వనిస్తే
గాత్రం సర్వత్రా పరమ పవిత్రం
గాత్రం గానానికి ఆకర్షణ సూత్రం
1.భావాన్ని అనుభవించితే
సహానుభూతినే పొందితే
అర్థాన్ని ఆకళింపుచేగొనితే
ఉచ్ఛరింపులో పట్టుసాధించితే
ఆపాత మధురం ఏపాటైనా
అసిధారావ్రతమే ఏపూటైనా
2.శ్రుతి మీద సాగేలా కసరత్తు
లయతో లయమైతే గమ్మత్తు
పాట చల్లుతుంది పరిమళాల మత్తు
శిశుర్వేత్తి పశుర్వేత్తి ఏదైనా చిత్తు
గీతం నవనీతమే ప్రతి గాయానికి
గేయం అనునయమే హృదయానికి
No comments:
Post a Comment