రచన,స్వరకల్పన&గాఖనం:డా.రాఖీ
ఎలా తెలుపను నీ పైని ప్రేమను
ఏదని నీకివ్వను ఇచ్చాగా మనసును
దేహభావన వదిలి వేసి
ఎదను ఎదతో జతగజేసి
అవధులేలేని సౌఖ్యన్నే అనుభూతిద్దాం
ఎవ్వరూ లేని లోకాన్నే ఏలుకుందాం
1.లోగుట్టు బయట పెట్టవు
నా జోలి మదిలొ మానవు
కనుతిప్పనీయనీ మెరుపు తీగవు
పలుచని నీ నవ్వైతే అసలాపవు
ఓపలేను నిన్ను కలవకా ఈ తపనను
గుర్తించు ఇకనైనా మన మనో మనువును
2.కనిపించిన కలికల్లా నీలానే
పలకరించబోయి ఖంగుతిన్నానే
అందరిలా నన్నెపుడూ జమకట్టబోకు
నా స్వప్న సుందరివే నను కష్టపెట్టకు
పట్టించుకుంటే సరి పక్కదారి పట్టను
కాదంటు తప్పుకోకు మెతుకు ముట్టను
No comments:
Post a Comment