రచన,స్వరకల్పన&గానం:డా.రాఖీ
రాగం:సిందు భైరవి
ముడివడె ఏడను అంకెతో
నడమంత్రపు ఈ నరుని బ్రతుకు
ఏడేడు పదునాల్గు లోకాల నేలేటి
వేంకట పతి వందనాలు నీ పదములకు
1.సప్త చక్రాలతో సమన్వితమాయె దేహము
సప్త ధాతువులతో నిర్మితమైనదీ కాయము
సప్త దుర్వ్యసనాలకు ఇది ఆలవాలము
సప్త ఋషుల దీవెనతో అందనీ నీ పదయుగళము
2.సప్తపదే ఆదిగా సాగుతుంది దాంపత్య ప్రగతి
సప్తవర్ణ సమ్మోహితమై చెలఁగేను చంచల మతి
సప్తస్వర సహితమై ఆలపించెదనూ నీ సత్కృతి
సప్త గిరీశా నిర్వృతికై నమ్మిచేసితి స్వామీ వినతి
No comments:
Post a Comment