https://youtu.be/NMYUbEgrSgg?si=NGUay6EK9drYoDZe

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

దిగజారుతున్నది దినందినం రాజకీయం

మితి మీరుతున్నది పరస్పరం నిందారోపణం 

వ్యక్తిగత తీవ్ర దూషణలతో

అశ్లీల పద ప్రయోగాలతో

సభ్యత అన్నదే మరచిపోయి

సంస్కారానికే దూరమయి

1.ఆరోగ్యకరమైన స్పర్ధ వాంఛనీయమే

వెన్నుపోట్లు కప్పదాట్లు అతిహేయమే

ఏ పార్టీ వాలకమైనా ప్రతి వాదనలో డర్టీ డర్టీయే

నను ఫోర్టొంటీవంటే నేనంటా నువు ఎయిట్ ఫార్టీయే

2.అధికార దాహానికి అంతూపొంతూ లేదే

అవకాశం దొరికిందంటే అవతలి పక్షం ఖైదే

దాడులు ఎదురుదాడులు పగలు ప్రతీకారాలు 

కార్యకర్తల మధ్యన వికారాలు హాహా కారాలు

3.మంచి ఇంచుకైన చేసి గెలవవచ్చు ధీమాగా

 ఐనా తీర్చని హామీలు వాగ్దానాల వింత డ్రామాగా

కుల మత ప్రాంత పక్షపాతాలే తమ ప్రాతిపదికగా

అప్పచ్చులిచ్చి నోటుకు ఓటుకొనే ఎన్నికల వేదికగా