రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:హంసనాదం
బుట్టలో పడబోకే బుట్టబొమ్మా
మత్తులో మునిగిపోకే పూలకొమ్మా
మొహం మొత్తుతుంది ఏదో రోజు
కొత్త పాతై రోతగ మారడమే రివాజు
1.కైపు కలుగజేస్తాయి ప్రశంసలు పొగడ్తలు
అలవాటుగ అయిపోతేనో అవి అగడ్తలు
కూరుకపోతాము మనకు తెలియకుండానే
మొగ్గగానే వాడుతాము ఎదిగి ఎదగకుండానే
2. దీపానికి ఆహుతి ఔతాము శలభాలమై
జీవితాన్ని కోల్పోతాము సాలెగూటి ఈగలమై
చుట్టూరా కోటరి చూసైనా మేలుకుంటె మేలు
పట్టుబట్టి వినకుంటే నిస్సహాయత నా పాలు
No comments:
Post a Comment