రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:చారుకేశి

నీలాంబరైంది నీదైన అనురాగం

మలయమారుతం నా ఎద సరాగం

రెండింటి తాకిడి లో అమృతవర్షణి వర్షం

నాతో నీవుంటే చింతలేని అంతులేని హర్షం

1.మోహనరాగంలా నీ సమ్మోహన రూపం

చంద్రకౌఁస్ లా నీ కన్నులలో వెన్నెల దీపం

హంసనాదంలా నీ గాత్రమే  అపురూపం

శివరంజనిలా ఎదలో రేపకు ఏదో తాపం

2.సింధుభైరవే అణువణువున నీ అందం

ఆనందభైరవై నీతో బ్రతుకంతా ఆనందం

కళ్యాణిలా కమనీయం కావాలి మనభవితవ్యం

మధ్యమావతిలా ప్రతిక్షణం మనకిక నవ్యాతినవ్యం