https://youtu.be/h9S7K2qvIN4?si=JlCa9UTp6obI1TZ5

రచన,స్వరకల్పన&గానం:డా.గొల్లపెల్లి రాంకిషన్ రాఖీ 

రాగం:భీంపలాస్

శివనామమే మధురాతిమధురము

శివగానమే అమృత పాన సమము

శివలింగరూపమే మంగళప్రదాయకం

శివ భక్తి తత్త్వమే… కైవల్యదాయకం

1. కరమున అమరిన త్రిశూలమే అభయకరం

ఢమఢమ మ్రోగే ఢమరుకమే చేతనాప్రపూరం

అనాలంబి వీణా నిక్వణమే శ్రవణానందకరం

నటరాజ తాండవమే నయనమోహనం శ్రీకరం

2.శివ శిరమున గంగధార పరమ పావనం

 శశి విలసిత మనోహరం సుందరేశు వదనం

నిశి పూజతొ మోదమొందు పరమేశు హృదయం

శివరాతిరి పర్వదినం అణువణువూ శివమయం