https://youtu.be/l1NkXAuNqh0?si=uRe4ISemRb3Cse0r
రచన,స్వరకల్పన&గానం:డా.గొల్లపెల్లి రాంకిషన్ రాఖీ
అమ్మతనము అతివకెంతొ అపురూపం
అమ్మలార చేయరో సుదతికి సీమంతం
గర్భాలయములో కొలువు దీరె శిశుతేజం
దీర్ఘాయురస్తుయని దీవిస్తూ ఈయరో నీరాజనం
1.షోడష సంస్కారాలలో ఉత్కృష్టమైనది
సతి సంతతి బడయుటలో అదృష్టమైనది
వేదోక్త మంత్రపూత దృష్టిదోష హారకమే ఇది
పతి శ్రీమతి నతిగా లాలించడమే వేడుకైనది
2.ముంచేతికి గాజులను నిండారగ తొడగరో
పాదాలకు పసుపూ పారాణియు పూయరో
చెక్కిళ్ళకు శ్రీగంధం మురిపెముగా నద్దరో
చక్కని చక్కెర బొమ్మను మక్కువ సింగారించరో
3.ముత్తైదువులంతా ముదముగ ఏతెంచి
ఉల్లాసము కలిగించగా ఆటలాడీ పాడీ
సుఖప్రసవ మొందుటకు సుద్దులు బోధించి
అక్షతలే చల్లాలి మనసారా ఆశీస్సుల నందించి
No comments:
Post a Comment