https://youtu.be/eedKx1K0vrc
రచన,స్వరకల్పన&గానం:డా.గొల్లపెల్లిరాంకిషన్ రాఖీ
అలవోకగ గడిచాయి - అరవైరెండు వసంతాలు
అనుభూతుల గురుతులన్ని - చేదు తీపి మిళితాలు
ఊరికి దూరంగా - నా హృదయానికి చేరువగా
సాగనీ నా ఆలోచనలు - మూగనీ పారమార్థిక చింతనలు
నేడు నా పుట్టినరోజైన సందర్బంగా
కడతేరనీ నీ పదముల నను నిబ్బరంగా
నీ కృపతో లక్ష్మీ నరసింగా-మా ధర్మపురి నరసింగా
ఏటికి గోదాటికి ఎదురీతే వృధా వృధా
వాలుకు సాగిపోతే ప్రశాంతతే సదా సర్వదా
సహజంగా జీవిస్తే సంతసమనిపించదా
యథాతథపు బ్రతుకెపుడూ సంతృప్తి నీయదా
నేడు నా పుట్టినరోజైన సందర్బంగా
కడతేరనీ నీ పదముల నను నిబ్బరంగా
నీ కృపతో లక్ష్మీ నరసింగా-మా ధర్మపురి నరసింగా
కోరితేనే కదా తీరని కోరికలే కలిగించు వెతలను
ఊహిస్తేనే కథా కథనం ఉస్సూరనిపించు మతులను
ఆస్వాదిస్తే ఆ క్షణమిస్తుంది అపూర్వ బహుమతులను
అడుగులో అడుగేసి నడిస్తే విడదీయదేవిధి దంపతులను
నేడు నా పుట్టినరోజైన సందర్బంగా
కడతేరనీ నీ పదముల నను నిబ్బరంగా
నీ కృపతో లక్ష్మీ నరసింగా-మా ధర్మపురి నరసింగా
No comments:
Post a Comment