గగనతలంలో రెపరెపలాడే- గణతంత్ర్యోత్సవ జయసంకేతం
నీలినింగిలో మూడురంగులతొ- జనగణ పాడే భరత కేతనం
త్యాగధనుల ఘనకీర్తి గురుతుగా- కాంతి చిమ్ము కాషాయ వర్ణము
శాంతి కపోతము నెగురవేసినా- ఖ్యాతి గన్నదీ- శ్వేత వర్ణము
పాడిపంటలకు పసిడిరాశులకు- ప్రతీకగా ముదురాకు వర్ణము
సత్యాహింసలు సమైక్య భావన- చాటుతున్నదీ ధర్మ చక్రము ||గగనతలంలో||
అఖిల జగానికి ఒక ఆదర్శము-బాపూ నెరపిన సత్యాగ్రహము
జాతికి జాగృతి జనచైతన్యము-సుభాస్ చూపిన విప్లవ తేజము
విదేశాంగమున వినూత్న గీతము-చాచాతెలిపిన పంచశీలము
దేశదేశముల తలమానికము- చరితార్థము మన భారత దేశం ||గగనతలంలో||
No comments:
Post a Comment