మనసు పాడే పాటకు ఏదీ రాగం
తనువు మరచే ఆటకు ఏదీ తాళం
గగన కుసుమాలే-కోసుకొద్దాము
ఘన సాగరాల-లోతు చూద్దాము ||మనసు||

ఎదురులేదు మనకెన్నటికీ-ఎదురీదడమే పరిపాటి
బెదురులేదు ఏ పనికీ- ప్రతీకలం సాహసానికీ
ఉత్సాహాలే ఊరంతా-పంచిపెడదామా
ఉద్రేకాలే గుండెల్లో-ప్రవహింపజేద్దామా ||మనసు||

నయాగరా ధారల్తో-పైపైకి పాకేద్దాం
సహారా ఎడారిలో-జీవ గంగ పారిద్దాం
చుక్కలనే మాలగ్రుచ్చి-చెలిమెడలో వేసేద్దాం
జాబిల్లిని నేలకు తెచ్చి-వాకిలికే తగిలిద్దాం ||మనసు||