https://youtu.be/9EBhsqmkDdA
సాగింది గోదావరి- అది చేరేది మరియే దరి
1. కనలేదు ఏనాడు కన్నయ్య రూపు
వినలేదు ఏనాడు ఆ మురళి పిలుపు
లేవు భామాకలాపాలు
లేవు లీలావినోదాలు
తోడు కరువై బ్రతుకు బరువై ||సాగింది||
2. యమునకు దొరికిన అనుభూతి లేదు
రాధకు దక్కిన అనురాగమూ లేదు
ఓ కాకిలాగా ఏకాకిలాగా
శోకాలవానా ముంచెత్తిపోగా
ఆశ దోషమై బాస మోసమై ||సాగింది||
3. జీవితమే ఒక సాగరమాయే
అమృత జలమే విషతుల్యమాయే
గలగలరావాలు మూగవోయే
కమనీయ భావాలు శిథిలమాయే
మానలేని గాయమై తిరిగిరాని కాలమై ||సాగింది||
కలలన్ని కల్లలై కన్నీటి వరదలై
ఆగింది గోదావరి అది గతిలేని కడలిగ మారి
OK
2 comments:
బాగుందండి...
meeru naa blog choosinanduky chaala thanks!ellappudoo ilage inka vivaranga mee abhiprayalni telapagalaru
sada mee snehabhilashi
raki
Post a Comment