https://youtu.be/2CakOl8SXFE

నమో నమో హే ప్రభో గౌరీ నందన
అని నువు భజించు మోక్షం తథాస్తు
విఘ్నాలే హరించు విఘ్నేశుని స్మరించు
కోరికలే ఈడేర్చు గణనాథుని స్మరించు
నీ కార్యం సిద్ధించు నిను విజయం వరించు

1. గడచిన ఏ క్షణము నీకు మరలిరాదుగా
దిరికిన ఈ నిమిషమైన వృధా సేయకా
కళ్ళు తెరవరా తొందరించరా
ఏకదంత పాహియని వేడుకొనుమురా

2. ఈ జగమే బంధాల సాలెగూడురా
అందులోన చిక్కెను నీ బ్రతుకు ఈగరా
అహము మరవరా పరమాత్మనెరుగరా
వినాయకా శరణు వినా వేరులేదురా

3. కరివదనుని మదితలచిన కరుణజూచురా
అంజలించి వరమడిగిన ప్రసాదించురా
కీర్తించరా మది ప్రార్థించరా
నోరారా భజన జేసి మోక్షమందరా