నా ప్రేమనే కాదన్నది
మనసేమిటో మనిషేమిటొ
ప్రేమేమిటొ మనువేమిటొ
అసలే ఎరుగని ఆ చిన్నది-నన్నే కాదన్నది
1. ఏ తోటలోనున్నా చెలి పాటే పాడేను
ఏ చోట నేనున్నా నా ప్రేయసిని కంటాను
దయలేని నా చెలీ అందాల కోమలీ
తలచి తలచి వలచి వగచే నాపై కోపమేలనో
2. చెలి కొఱకె నా వలపు-తెఱిచాను ఎద తలుపు
మనసెరిగి తీయని పలుకు-ఏనాటికైనా తెలుపు
ఎన్నాళ్ళు అయినాగాని-ఎన్నేళ్ళు అయినాగాని
దిగాలునే యుగాలు వేచే అనురాగం నాదేలే
3. చెలికోసమే నా ప్రాణము-చెలిమీదనే నాధ్యానము
చెలి లేని నా జీవితం-వలదన్న దుర్దినం
మల్లెలు విరియని-కోయిల కూయని
తిమిర వసంతం-చితికే చేరును ఇది సత్యం
No comments:
Post a Comment