ఎందుకు కన్నెర చేస్తావో- ఎందుకు వరముల నిస్తావో
ఎరుగడు విధాత సైతం
ఎప్పుడు నవ్వులు పూస్తావో- ఎప్పుడు గుండెను కోస్తావో
తెలియదు పరమాత్మకేమాత్రం
1. ఏదైనా కోరానా-పరిచయాని కంటే క్రితము
తపస్సులే చేసానా-నువ్వెదురు కాక పూర్వం
దారిన పోయేవాడిని-దగ్గరగా తీసావ్
దగ్గరైపోగానే-నిర్దయగా నను తోసేసావ్
ఏమిబంధమో నీది-యమపాశం కన్నా గట్టిది
ఏమి తత్వమో నీది-పాదరసం కన్నా మెత్తది
2. నిజాయితీ అన్నపదం-నిఘంటువులొ లేకుంటే
విశ్వాసం అన్నమాట-అర్థరహితమని నువ్వంటే
నీ వాదనలౌతాయి-నిత్యసత్యాలు
నీ సిద్ధాంతాలన్నీ-స్వాతి ముత్యాలు
జీవిత పరమావధి-కాలక్షేపమా నీకు
విలవిలలాడే హృది-హస్యాస్పదమని అనుకోకు
No comments:
Post a Comment