నీకు మామూలే- నాకు మనుగడ లే
నీకన్ని సరదాలే-నాకవి నరకాలే
మెరుపులా మాయమవుతావ్-ఉరుములా భయపెడతావ్
నట్టనడి సంద్రాన-పుట్టి ముంచ్ వేస్తుంటావ్
1. హాయిగా పాడుతున్న గీతాన్ని- అర్ధాంతరంగా ఆపేస్తావ్
సాఫీగా సాగుతున్న కథనాన్ని-ఊహించని మలుపు తిప్పుతావ్
జీవితాలెప్పుడూ ఆషామాషీలా
స్నేహితాలంటెనే-కాలక్షేపాలా
నీకు చెలగాటం-నాకుప్రాణసంకటం
నీకు అలవాటే-నాకు గ్రహపాటే
2. ఉన్నత శిఖరాలపైకి చేరడానికి-చేయూత నందజేస్తావ్
గమ్యాన్ని చేరునంతలోనే-చెయ్యొదిలి నను తోసేస్తావ్
నమ్మకాన్ని నువ్వెపుడూ-నమ్మనే నమ్మనంటావ్
దగాపడిన అనుభవాలే-గుణపాఠాలంటుంటావ్
షరా మామూలే-నాకెప్పుడు గుబులే
నీకు శతకోటే-నాకు నువ్వొకటే
sandarshakulu
 |
No comments:
Post a Comment