OK

“ మరో మొహింజదారో ”
(చలో ఎక్ బార్ ఫిర్సే అజ్నబీ బంజాయె హమ్ దోనో...స్పూర్థి తో..పల్లవి లో రెండు పంక్తులు)

చెలీ ఒకసారి మనమే -అపరిచితులవుదాము ఈ క్షణమే
తప్పులను సవరించ గ’మనమే - జీవితం బృందావనమే

1.మోడువారిన కొమ్మ సైతం- తొలకరికి చిగురించేను
బీడు వారిన నేలసాంతం- చినుకులకు పులకించేను
పడిలేచే కడలి తరంగం-అలుపెరుగునా నింగి కోసం
సుడితిరిగే వాగు పయనం-ఆపునా అడ్డుంటె మాత్రం
నేస్తమా..ఎందుకనుమానం-నమ్మికకు ఏది కొలమానం
సహజమే బేధ భావనం-సర్దుకొనగలిగితేనె పూవనం

2.మనసునెరిగి మనలేకుంటే- ప్రత్యక్ష నరక యాతన
అంకితమై మసల కుంటే- ప్రతిక్షణం తీవ్ర వేదన
నీవు నేను వేరనుకోంటే- వ్యధలన్నిటి కదె మూలం
నీలో లయమైనాను నేస్తం-నిగ్గు తేల్చాలి ఇక కాలం
ఈ స్థితికి నాదే దోషం-చేసుకోనిక నన్ను మోసం
తలను వంచాను నీ ముందు-ఇంతకంటే నేనేమందు