OK

https://youtu.be/7Uz8qZKvaY4

గీతాగోవిందం-జీవిత మకరందం

నీ మేను వీణ - నే మీటు వేళ
రవళించు రసరమ్య రాగాల హేల
నీమోవి మురళి - మ్రోయించు వేళ
మకరంద సంద్రాల మాధుర్య లీల
గాలికి తావివ్వని మన తనువుల కలయిక
జ్వాలలు రగిలించగ చెలరేగిన మధుగీతిక

1. సుమశరముల నవమదనునికిది కదన కాహళి
బృందావన రాధిక ప్రియ మోహన కృత రాసకేళి
చుంబిత విజృంభిత అంగాంగ సంవిచలిత ఉధృతి
నాసిక పరితోషిత ఆఘ్రాణిత ఉన్మత్త వ్యావృతి
శ్రుతి చేయగనే నీ సమ్మతి- పోగొట్టెనులే నాకున్న మతి


2. వాత్సాయన విరచిత సురుచిర శృంగార సూచిక
జయదేవ కవిప్రోక్త అష్టపదాన్విత విరలి వీచిక
శ్రీనాథ సరసరాజ నైషధ సారాంశ జీవ చిత్రిక
సృజియించెద అసమాన వలరస కావ్య కన్యక
లయమొందగ నా పరిస్థితి-అద్వైత అనుభవైక నిర్వృతి