OK

జర పైలం బిడ్డో..!!

పరువమా..పాడకే..వలపుపాట..

ఏ క్షణం..జవదాటకే..మనసు మాట..

వయసు నిను..ఉడికిస్తుంది..- సొగసు నిను ఊరిస్తుంది....

తెలిసి తెలియనితనమే.నిన్ను.ఉక్కిరిబిక్కిరి..చేసేస్తుంది.

1.        ఎంతగా ఉదహరించినా..దృష్టి పెట్టవెందుకు..నేస్తం..

సాటివారి..భంగపాట్లను..పట్టించుకోని తత్వం..

మృగతృష్ణ కై పరుగెడితే..మూర్ఛ వచ్చు నీకు తథ్యం..

స్థాయి మరచి ఉట్టి కెగిరితే..దెబ్బతినుట..నీకు ఖాయం..

వయసు నిను..ఉడికిస్తుంది..- సొగసు నిను ఊరిస్తుంది....

తెలిసి తెలియనితనమే.నిన్ను.ఉక్కిరిబిక్కిరి..చేసేస్తుంది.

2.       తప్పు నీది కాకున్నా....శిక్ష నీకె..పడుతుంది..

సృష్టి సహజమైనా..గాని..నష్టం వాటిల్లుతుంది..

ఆకు ముల్లు సామెత..నీకు..అతికినట్టు సరిపోతుంది..

ఆకతాయి పనులకు..మూల్యం..జీవితమే..అవుతుంది..

వయసు నిను..ఉడికిస్తుంది..- సొగసు నిను ఊరిస్తుంది....

తెలిసి తెలియనితనమే.నిన్ను.ఉక్కిరిబిక్కిరి..చేసేస్తుంది.