అందమైన సుందరుడు
నేలమీది చందురుడు
నవ్వుల్లొ వెన్నెలలే రువ్వుతాడు
చూపుల్లొ వేకువలే చిమ్ముతాడు
చిన్నారి నా తనయుడు
గారాల మారాల వీరుడు

1.మాటల్లు తేనియ విందేలే
పాటల్లు కోయిలతొ పందాలే

పూలబాల మెత్తదనం
మేఘమాల జాలిగుణం
పిల్లగాలి హాయిగుణం
ఊటనీటి స్వచ్ఛదనం

అన్నీ సొంతం చేసుకున్నాడులే
అందరి ఎదలే దోచుకున్నాడులే

2.నడకల్లొ ఉట్టిపడే రాజసాలు
వెనకంజ వేయనీ సాహసాలు

అమ్మ లోని ప్రేమగుణం
చెట్టు చూపె స్నేహగుణం
వానకున్న త్యాగగుణం
మోడుకున్న మొండితనం

అన్నీ సంతరించుకున్నాడులే
అందరి మన్నన చూరగొన్నాడులే