జాగేలా ప్రభూ ననుజేర
నిను తలపులలో నిలిపి ఉంచా
నా ఎద తలుపులు తెరిచే ఉంచా
రావేరా బిరబిర నను చేర
రావేరా పరుగున దరి చేర
యుగయుగాలుగా నా ప్రతీక్ష
నువు లేక ఈ బ్రతుకే శిక్ష

1.కథలెన్నో నీ గాథ లెన్నో
తార్కాణాలు పు రాణాలెన్నో
మహిమలు లీలలు మరియింకెన్నో
ఋజువులు సాక్ష్యాలింకెన్నెన్నో
నా నమ్మికనే వమ్ము సేయకా
నా ఆశను అడియాస జేయకా

2.సరసములాడుతు సిరితో నుంటివొ
ఘన భక్తుల కడకేగి యుంటివో
నాపై కినుకను పూనియుంటివో
నా మెరలను వినీ వినకయుంటివో
రా తీరిక లేకున్న నను రప్పించుకో
పరమ దయాళుడ వని మెప్పించుకొ