వీణాపాణీ శ్రీ వాణీ సుహాసిని సదా
సుహృదయ నివాసిని దేవీ శారదామణి గీర్వాణీ

1. సృష్టికర్తయే నీ పతి
నీవే కాదా జ్ఞాన భారతి
కనులు మూసినా కనులు తెఱచినా
అణువణువునా నా కగుపించవే

2. చదువుల మాతవు నీవే కదమ్మా
స్వరముల నేతవు నీవే కదమ్మా
సకల కళలను సర్వ విద్యలను
అనుక్షణము నా కందించవమ్మా

3. నా నాలుక పైనా వసియించవే
నాలోని కల్మషము తొలగించవే
అజ్ఞానతిమిరము రూపుమాపి
జ్ఞాన దీప్తులే  వెలిగించవే