https://youtu.be/pD2wPoquiBE?si=KgTUwr58I9i37Uua

పదములతో కొలిచాడు అన్నమయ్యా
పరమ పదమొసగెడి నీ దివ్యపదములను
కీర్తనలతొ కీర్తించెను త్యాగయ్యా
నీ అతులిత మహిమాన్విత గుణగణాలను

నీ లీలల నెరుగని నేనెంతటి మందమతి
తోగువేంకటాపురపతి చూపర ఇక సద్గతి

1.వాల్మీకి వాసిగా వ్రాసినాడు నీ చరిత
వ్యాసుడు వెలయించినాడు మహితమౌ నీ ఘనత
శుకుడూ సూతుడూ ప్రవచించిరి నీ గాథ
ప్రస్తుతించ నాతరమా ఇసుమంతయులేదు ప్రతిభ

నీలీలలు లిఖించని నెనెంతటి మందమతి
తోగువేంకటాపురపతి చూపర ఇక సద్గతి

2.జయదేవుడు నుడివినాడు నిరతిన నీ రమ్యరతి
పురంధరుడు ఆలపించె కృతుల నీ ప్రతీతి
నారద తుంబురులు నుతియించిరి నీ గణుతి
అలవిగాదు నాకు తెలుప అద్భుతమౌ నీ ఖ్యాతి

నీలీలలు పాడుకోని నేనెంతటి మందమతి
తోగువేంకటాపురపతి చూపర ఇక సద్గతి

https://www.4shared.com/s/f2b1UQEwAgm