రచన,స్వరకల్పన&గానం:రాఖీ

దోచేయడం ఏదేదో చేయడం నీకు పరిపాటేగా
ఎదనేదో చేయడం మదినే దోచేయడం నీకు అలవాటేగా
నవనీతచోర నందగోపాల గోపీలోల గోకులబాల

1.తెరలే తీసాను తలపులకు
తెరిచే ఉంచాను తలుపులను
ఎత్తుకెళ్ళు స్వామి నా మొత్తమంతా
ఆక్రమించు స్వామి నా చిత్తమంతా
అడ్డుకొనువారు అసలేలేరు
 ఒంటరి నేను తుంటరినీవు
నవనీతచోర నందగోపాల గోపీలోల గోకులబాల

2.మనసు చిలికి వెన్ననంత ప్రేమగ ఉంచాను
విరహంతో వేగిఉన్న తనువు సిద్ధపరిచాను
దొంగిలించ పనిలేదు నీ పరమే చేసాను
మత్తుజల్ల పనిలేదు నీ మాయలోనె ఉన్నాను
పట్టించుకోవేల జాలిమాని మానినిని
జాగుసేతువేల కరుగనీకు యామినిని
నవనీతచోర నందగోపాల గోపీలోల గోకులబాల