వాలుచూపుల నెరజాణ
వాలుజడనూ వాడకుమా
వాలిపోయెద నీఒడిలోనా
నీ వాడినయ్యీ తడిసేను
నీ వలపుల జడిలోనా

1.ప్రత్యూషపు తుషారమీవు
ప్రదోషాన సింధూరమువు
పారిజాత పరిమళమీవు
మంజీర నాదము నీవు
పంచభూతాత్మకమైన
నా ప్రాణ పంచకమీవు
వాడబోకు నీచిరునవ్వు
అది మదనశరములు రువ్వు

2.శ్రీనాథుడు వ్రాయగలేడు
అల్లసాని తెలియగ లేడు
కాళిదాసు వర్ణించలేడు
రవివర్మ చిత్రించగలేడు
జక్కనైన చెక్కని శిల్పం
బ్రహ్మ సృష్టించని అందం
నాకు దక్కిన భాగ్యం
వద్దని వారిస్తా వరమిస్తే స్వర్గం